Neqeroorummut immikkuualuttut
Aningaasaqarnermut Akileraartarnermullu Naalakkersuisoqarfiup, Kalaallit Nunaanni Namminersorlutik Oqartussat, matumuuna timersornermut tunngasunut Ingerlatsinermut kukkunersiuinissaq tamanut neqeroorutigaa. Ingerlatsinermut kukkunersiuinerup pissarsiarineqarneqarneranut tunngaviuvoq, 2025-mut aningasanut inatsit naapertorlugu timersornernut amerlanerusunut pikkorinnerusunullu iluaqutissamik tapiissuteqarnerunissamik, taamaattorli tapiissuteqarnerunerup allaffissornerunermut tutsinneqassannginnissaa kissaataavoq.
Namminersorlutik Oqartussat tapiissutit timersornermut tunngasunut Elite Sport Greenland (ESG) aamma Kalaallit Nunaanni Timersoqatigiit Kattuffiat (GIF) aqqutigalugit tunniuttagaasa aqunneqarnerisa qulaajaaffigineqarnissaat erseqqissaaffiginissaallu nalunaarusiami siunertarineqarpoq. Taassuma saniatigut sunniuteqarluarnerpaamik periuseqarluni timersortartunut pikkorinnernut immikkullu sammisalinnut kattuffinnut tapiissutit aqqutissiuuteqqinnissaannik qulakkeerisumik suliniuteqarfigisanut, najoqqutassanut sulinerillu ingerlanerinut innersuussuteqarnissaq siunertaavoq. Tamatuma saniatigut nalunaarusiami inerniliinerit tapiissuteqartarnermut tapiissutillu ingerlanneqarnerinut tunngatillugu sulinerup nanginnissaanut tunngaviliissapput, taamaalillutik tapiissutit toqqaannartumik timersornermut iluaqutaasumik aqqutissiuunneqassapput allaffissornerulernermullu atorneqaratik.
Suliakkiisoq
Suliakkiisoq Aningaasaqarnermut Akileraartarnermullu Naalakkersuisoqarfik