Neqeroorummut immikkuualuttut
SERVER-IT AAMMA ATTAVIIT INGERLANNEQARNERISA ISUMAQATIGIISSUTEQARFIGINISSAANNUT NEQEROORUTEQARTARNEQ PILLUGU NALUNAARUT
1. Sullissinertut neqeroortitsissutaasoq
Server-it aamma attaviit ingerlanneqarnissaat matumuuna Digitalimik Sullissinermut Aqutsisoqarfiup neqeroortitsissutigai. Pisiortorfik neqeroortitsissummik ajugaasoq Digitalimik Sullissinermut Aqutsisoqarfik sinnerlugu server-inik attavinnillu ingerlatsisussanngussaaq.
2. Neqerooruteqartarnerup ilusaa
Neqerooruteqartarnerup iluserissavaa isumaqatigiinniutitaqartumik neqerooruteqartitsineq nalunaarut unga tunngavigalugu Pisortat oqartussaaffigisaanni suliffeqarfiinilu nioqqutissanik kiffartuussinernillu pisiniartarnermut tunngatillugu neqerooruteqartitsisarneq pillugu Inatsisartut inatsisaat nr. 6, 12. juni 2019-imeersoq.
3. Suliakkiuteqartup attaveqarfiginissaanut paasissutissat
Digitalimik Sullissinermut Aqutsisoqarfik | Attaveqarfissaq: |
P.O. Box 1078 | Kaare Andersen |
3900 Nuuk | |
Grønland | +299 345924 |
4. Suliakkiussinermi tunngavissaq
Isumaqatigiissut akip pitsaassutsillu akornanni pitsaanerpaamik tunngaviliisumut suliakkiutigineqassaaq. Sukumiisumik nassuiaatit neqeroortitsissuteqarnermi atortuni takuneqarsinnaapput.
5. Piukkunnassutsimut il. il. piumasaqaatit
Neqerooruteqartup piukkunnassutsimut piumasaqaatit annikinnerpaaffissaasa naammassineqarsimanerannut uppernarsaasiinissamut piumasaqaatit neqeroortitsisarnermut atortussani aalajangersarneqarsimasut naammassissavai.
Taamatuttaaq neqerooruteqartup neqerooruteqarnerminut ilanngullugu ilumoorluinnarnermik nalunaarut atsiorsimasoq ilanngullugu nassiutissavaa, tamatumani uppernarsarlugu Neqerooruteqartup neqerooruteqarnermi piumasaqaatigineqartut neqerooruteqarsinnaatitaannginnermut tunngassuteqartut peqataaffiginngikkai. Ilumoorluinnarnermut uppernarsaat atsiugassaq neqeroortitsinermi atortunut ilaasunut ilaavoq.
6. Neqerooruteqarnissamut piukkunnaateqarneq
Neqerooruteqarnissamut piukkunnaateqarneq pillugu qinnuteqaat kingusinnerpaamik Suliakkiuteqartumut tunniunneqarsimassaaq 01. november 2021 Kalaallit Nunaata Kitaani nalunaaqutaa malillugu 16.00. Piffissaliunneqartup qaangiutereernerani qinnuteqaatit tiguneqartut itigartinneqassapput.
Neqerooruteqartoq neqerooruteqarnissamut piukkunnaateqarnersoq 12. november 2021 Kalaallit Nunaata Kitaani nalunaaqutaa malillugu 16.00 akissutisissaaq.
Neqerooruteqarnissamut piukkunnaatitaqarnissamut piumasaqaatit neqeroortitsilluni piumasaqaatiniipput.
Isumaqatigiinniarnerni peqataanissamut immikkut akissarsiassaqanngilaq.
7. Neqeroortitsinermi atortut
Neqerooruteqarneq pillugu piumasaqaatit atugassarititaasullu kiisalu neqeroortitsilluni suliassaq pillugu paasissutissat amerlanerusut neqeroortitsinermi atortuni takuneqarsinnaapput. Neqeroortitsinermi atortut Suliakkiuteqartumut saaffiginnissuteqarnikkut taamaallaat inniminnerneqarsinnaapput tassanilu Neqerooruteqartoq neqeroortitsinermi atortunik takunnissinnaanermini isertuussisinnaanermut uppernarsaammik atsiugaqassalluni. Taamaaliortoqassaaq Sullinneqartup qarasaasiatigut isumannaatsuunissaa pillugu neqeroortitsinermi atortuni isumannaatsuunissamut paasissutissatut takuneqarsinnaassammata, taakkulu innimigineqassallutik, aamma Pisiortorfiup qarasaasiatigut isumannaatsuunissaa niuernikkullu isertuussassatut tunngasut innimigineqassallutik.
Suliakkiisoq
Suliakkiisoq Digitalimik Sullissinermut Aqutsisoqarfik