Neqeroorummut immikkuualuttut
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik matumuuna Kalaallit Nunaanni Ilaqutariinnut Sullissivinnik qulaajaanissamut misissueqqissaarnissamullu neqerooruteqartitsivoq.
Ilaqutariinnut Sullissiviit nassuiarneqarnissaat nalilersorneqarnissaallu siunertaralugit qulaajaasoqarlunilu misissueqqissaartoqassaaq, ilutigitillugulu Angajoqqaat meeqqaminnik sumiginnaasarnerat akiorniarlugu nuna tamakkerlugu Naalakkersuisut iliuusissanut pilersaarutaat 2020-2030 naapertorlugu Ilaqutariinnut Sullissiviit qanoq pitsanngorsarlugillu allanngortinneqarsinnaanerannik innersuussuteqartoqassalluni. Kalaallit Nunaanni meeqqanut inuusuttunullu atugarliortunut pitsaanerusumik suliniuteqarnissaq pillugu kalaallit qallunaallu oqartussaasoqarfiisa assigiinngitsunik suliallit akornanni suleqatigiinneranni iliuusissaq 9 naapertorlugu Ilaqutariinnut Sullissivinni meeqqanut inuusuttunullu atugarliortunut ilaqutaannullu suliniutigineqartut immikkut sammitinneqarsinnaanerannik misissueqqissaarneq aamma imaqartinneqassaaq.
Misissueqqissaarnermi ilaatigut qulaajarneqassapput Ilaqutariinnut Sullissiviit innuttaasunut massakkut neqeroorutaat, innuttaasuni eqimattat sorliit Ilaqutariinnut Sullissivinnik atuisuunersut kiisalu Ilaqutariinnut Sullissivinni neqeroorutigineqartunut sulisut katiterneqarnerat naleqqunnersut ilanngullugit. Ilaqutariinnut Sullissiviit kommunini ingerlatsiviit sinnerinut qanoq suleqateqarnerat kommunillu meeqqanut ilaqutariinnullu tunngatillugit neqeroorutaannut Ilaqutariinnut Sullissiviit qanoq ilaatinneqarnersut qulaajarneqassaaq.
Suliakkiisoq
Suliakkiisoq Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik