Neqeroorummut immikkuualuttut
Nukissiorfiit Ilulissat inuussutissarsiutigalugu umiatsiaateqalerusuppoq.
Neqerooruteqartitsinerup siunertaraa, Nukissiorfiit Ilulissaniittumut inuussutissarsiutigalugu umiatsiamik pisinissaq, taannalu nunaqarfinnut assartugassanut oqimaatsunut atorneqartussaalluni.
Umiatsiaq oqimaatsunik usilluni assartuinissaminut piginnaasaqassaaq, oqimaatsunillu assartuinissamut ingerlatsisinnaassalluni, assartukkani ruujorit minnerpaamik 6 miiterisut takitigisut ilaallutik. Siua ammasuussaaq (aqqartitsiffissalik) kiisalu kraniaraqarluni, taamaasilluni atortussanik pisariaqartinneqartunik isumannaatsumik aalajaatsumillu usilersorneq, usingiaaneq assartuinerlu ingerlanneqarsinnaassalluni.
Umiatsiaq isumannaatsumik pitsaasumillu angallassisinnaassaaq, nunattalu avataani umiartornermut inatsisini piumasaqaatinik maleruagassanillu naammassinnissimassalluni.
Suliakkiisoq
Suliakkiisoq Nukissiorfiit