Neqeroorummut immikkuualuttut
Naalakkersuisut Qeqqata Kommunia suleqatigalugu matumuuna qaaqqusipput sukisaarsaatigalugu akiliuteqarluni aalisartitsisarnermut Qeqqata Kommuniani sumiiffinni assigiinngitsunik akuersissutinik qinnuteqarsinnaanermut
Soqutiginnittut innuttaasut aamma suliffeqarfiit matumuuna kajumissaarneqarput akuersissummik qinnuteqaateqarsinnaanermik, Qeqqata Kommuniani sukisaarsaatigalugu aalisartitsisarnermut kisermaassilluni ingerlatsisinnaanermut akuersissummik, sumiiffinni aalajangersimasuni assigiinngitsuni ingerlanneqarsinnaasunik.
Qeqqata Kommuniata nunaminertat arlaqartut sukisaarsaatigalugu aalisartitsisarnermut akuersissuteqarfiusinnaasutut kommunimut pilersaarummut ilassummi nr. 27-imi inississimavai. Neqeroortitsinermi matumani qinnuteqaatit Nunanut Allanut, Inuussutissarsiornermut Niuernermullu Naalakkersuisoqarfimmi tiguneqareersimassapput kingusinnerpaamik ataasinngorneq 6. februar 2023 nalunaaqutaq 23.59 Nuummi, Kalaallit Nunaanni nalunaaqutaq malillugu.
Sumiiffiit akuersissuteqarfiusinnaasut isigineqassapput takornariartitsinermik suliassaqarfimmut atatillugu Naalakkersuisut periusissiaanni ilaasutut, siunertaqartumik nunatsinni takornariartitsisarnermik inuussutissarsiornermi namminersortut aningaasalersuinerisa annertusaaviginissaanik, taamalu aningaasarsiornikkut siuariartortitsinerup suliffissaqartitsinerullu annertusarneqarnissaannik.
Qinnuteqarnissamut qaaqqusissutitut allakkiaq akuersissuteqartarnermilu atortut allat piumasaqaataasut tamaasa ilanngullugit, malittarisassat aamma atugassarititaasut, aamma ilaallutik skema qinnuteqarfissaq qinnuteqarnermullu ilitsersuut tigoriaannaapput quppersakkami uani: udbud.gl
Qaaqqusissutitut allakkiamut, tassungalu ilanngussat pillugit apeqqutigiumasat ingerlatinneqassapput uunga: Nunanut Allanut, Inuussutissarsiornermut Niuernermullu Naalakkersuisoqarfik, e-mail -imi uani: [email protected] ataasinngorneq 23. januar 2023 sioqqullugu.
Suliakkiisoq
Suliakkiisoq Nunanut Allanut, Inuussutissarsiornermut, Niuernermullu Naalakkersuisoqarfik