Neqeroorummut immikkuualuttut
Peqqissutsimut Naalakkersuisoqarfimmi Allorfimmit matumuuna pinngitsuuisinnaajunnaarsimasunik katsorsaanissanik isumaqatigiissutit (Isumaqatigiissutit ilaat) 17-it suliarinnittussarsiuunneqarput. Isumaqatigiissutip ilaanut ataatsimut arlalinnulluunniit neqerooruteqartoqarsinnaavoq.
Katsorsaanerni tamani innuttaasut tullinnguuttunik makkuninnga pinngitsuuisinnaajunnaarsimasut ilaatinneqarsinnaassapput:
- Imigassaq
- Ikiaroornartoq
- Pinnguaatit (ludomani).
- Arlalinnik atornerluisuuneq
Isumaqatigiissutit ilaat ukiuni pingasuni atuutsinneqassapput 1. april 2024 aallarnerfigalugu atuutilersussat, isumaqatigiissutillu pingasoriarluni ukiumik ataatsimik sivitsorneqarsinnaassapput. Isumaqatigiissutissanut ataasiakkaanut tunngatillugu isumaqatigiissutit sivisunerpaamik ukiuni tallimani atuutsinneqartassapput.
Katsorsaasarnissani katsorsagassat amerlassusissaasa missingerneri tullinnguuttumi saqqummersinneqarput.
Isumaqatigiissutip ilaa 1: Qaammatisiutit malillugit Nuummi ullormut katsorsartittarnerit
- Katsorsaanerit sakkortuumik pinngitsuuisinnaajunnaarsimasunik katsorsaanissanut naleqquttuussapput, tamatumani innuttaasoq inuttut ataatsikkut unammillernartunik suliaqarsinnaasassaaq.
- Innuttaasumut ataatsimut sapaatit akunnerini arfinilinni ullormut katsorsartittarnerit.
- Pissutsit immikkut ittut ajornartitsinngippata katsorsaaneq sapaatit akunnerinut arfineq-pingasunut sivitsorneqarsinnaavoq.
- Katsorsagassat ukiumut 40 - 80-it missaat, taakkunannga 80-85 %-it missaat tunngaviusumik katsorsartiffissamik sapaatit akunneri arfiniliusunik naammassinnittarnissaat naatsorsuutigineqarpoq.
- Katsorsaanermi ataatsimi inuit aqqanillit tikillugit katsorsaasumit ataatsimit katsorneqartassapput. Katsorsaanerit ingerlaqatigiissillugit ingerlanneqarsinnaapput.
- Katsorsagassanut 12-it tikillugit amerlassusilinnut najugaqarfissat aammalu katsorsaanermi atortussat ilaat neqeroortitsisumit akeqanngitsumik isumagineqassapput.
- Qanigisanik marlunnik katsorsaanerit.
Isumaqatigiissutit ilaat 2 -12: Najukkani katsorsaasarnerit
Isumaqatigiissutip ilaa 2 Narsami ukiumut innuttaasunik 22-nik katsorsaasoqartassaaq, innuttaasut aqqanillit missaat sapaatit akunneri marlukkuutaarlugit avillugit
Isumaqatigiissutip ilaa 3 Nanortalimmi innuttaasunik 22-t tikillugit amerlassusilinnik katsorsaanerit, innuttaasut aqqanilikkuutaarlugit marloriarlugit katsorsartarlugit
Isumaqatigiissutip ilaa 4: Paamiuni innuttaasunik 22-t tikillugit amerlassusilinnik katsorsaanerit, innuttaasut aqqanilikkuutaarlugit marloriarlugit katsorsartarlugit
Isumaqatigiissutip ilaa 5: Tasiilami innuttaasunik 44-t tikillugit amerlassusilinnik katsorsaanerit katsorsaanernut sisamanut agguarlugit
Isumaqatigiissutip ilaa 6: Ittoqqortoormiini innuttaasunik aqqanillit tikillugit amerlassusilinnik ataasiarluni katsorsaanerit
Isumaqatigiissutip ilaa 7: Maniitsumi innuttaasunik 22-t angullugit amerlassusilinnik innuttaasut aqqanilikkuutaarlugit marloriarlugit katsorsarlugit
Isumaqatigiissutip ilaa 8: Qasigiannguani innuttaasunik 22-t tikillugit amerlassusilinnik innuttaasut aqqanilikkuutaarlugit marloriarlugit katsorsarlugit
Isumaqatigiissutip ilaa 9: Qeqertarsuarmi innuttaasunik 22-t angullugit amerlassusilinnik innuttaasut aqqanilikkuutaarlugit marloriarluni katsorsaanerit
Isumaqatigiissutip ilaa 10: Uummannami innuttaasunik 22-t angullugit amerlassusilinnik katsorsaanerit innuttaasut aqqanilikkuutaarlugit marloriarluni katsorsaanerit
Isumaqatigiissutip ilaa 11: Upernavimmi innuttaasunik 22-t angullugit amerlassusilinnik katsorsaanerit, innuttaasut aqqanilikkuutaarlugit marloriarluni katsorsaanerit
Isumaqatigiissutip ilaa 12: Qaanaami innuttaasunik aqqanilinnik ukiumut ataasiarluni ataasiaannarluni katsorsaanerit
- Pinngitsuuisinnaanngilluinnartunik katsorsaasarneq, katsorsagassat 18-inik ukioqalereersimasut isumaginninnikkullu sutigut tamatigut inuttut unammilligassallit.
- Isumaqatigiit ilaat taakku malillugit katsorsaanerit tassaassapput Type 1 imaluunniit Type 2.
- Type 1: Najukkani ullormut katsorsaanerit innuttaasut aqqanillit ataatsikkut katsorsarlugit. Aallaavittut sapaatit akunnerini arfinilinni. Katsorsaanerni inissat atukkiussassanngorlugit isumagineqassapput. Akissarsiat tassaassapput katsorsaanermi ataatsimi innuttaasut arfinillit amerlaqataat.
- Type 2: Najukkani unitsinnagit katsorsaanerit. Inuit ataasiakkaarlugit imaluunniit pingasut - sisamakkuutaarlugit tulleriiaartarlugit katsorsaanerit. Katsorsaanerni inissat atukkiunneqarsinnaanngillat. Akissarsiassat ikinnerpaaffilerneqanngillat.
- Innuttaasup ataatsip katsorsartittup qanigisaanik inunnik marlunnik Type 1-imik aamma 2-mik katsorsaanerit.
Isumaqatigiissutip ilaa 13 -17: Najukkani sivikinnerusumik katsorsaanerit
Isumaqatigiissutip ilaa 13: Kommune Kujallermi nunaqarfimmi innuttaasunik aqqanillit angullugit amerlassusilinnik ukiumoortumik katsorsaanerit
Isumaqatigiissutip ilaa 14: Kommuneqarfik Sermersuumi nunaqarfimmi innuttaasunik aqqanillit angullugit amerlassusilinnik ukiumoortumik katsorsaanerit
Isumaqatigiissutip ilaa 15: Qeqqata Kommuniani nunaqarfimmi innuttaasunik aqqanillit angullugit amerlassusilinnik ukiumoortumik katsorsaanerit
Isumaqatigiissutip ilaa 16: Kommune Qeqertalimmi nunaqarfimmi innuttaasunik aqqanillit angullugit amerlassusilinnik ukiumoortumik katsorsaanerit
Isumaqatigiissutip ilaa 17: Avannaata Kommuniani nunaqarfimmi innuttaasunik aqqanillit angullugit amerlassusilinnik ukiumoortumik katsorsaanerit
- Innuttaasut 18-it sinnerlugit ukiullit katsorsarneqartut.
- Isumaqatigiit ilaat taakku malillugit katsorsaanerit tassaassapput Type 1 imaluunniit Type 2.
- Type 1: Najukkani innuttaasunik aqqanilinnik ataatsikkut katsorsaanerit. Sapaatit akunnerini qulingiluani katsorsaanerit, piareersarneq, pingaarnermik qanigisanillu katsorsaanerit aamma malinnaatitsineq. Katsorsaanerni inissat atukkiussassanngorlugit isumagineqassapput. Akissarsiat tassaassapput katsorsaanermi ataatsimi innuttaasut arfinillit amerlaqataat.
- Type 2: Najukkani unitsinnagit katsorsaanerit. Inuit ataasiakkaarlugit imaluunniit pingasut - sisamakkuutaarlugit tulleriiaartarlugit katsorsaanerit. Katsorsaanerni inissat atukkiunneqarsinnaanngillat. Akissarsiassat ikinnerpaaffilerneqanngillat.
- Innuttaasup ataatsip katsorsartittup qanigisaanik inunnik marlunnik Type 1-imik aamma 2-mik katsorsaanerit.
Suliakkiisoq
Suliakkiisoq Allorfik
Udbud annulleret
Udbuddet annulleres som følge af:
- at der ikke har været tilstrækkelig konkurrence om opgaven, idet der kun er modtaget ét tilbud, samt
- at de tilbudte priser markant overstiger ordregivers forventninger.