Nuussuaq, Salliarnaq-mi inissiat silataasa nutarternissaat – B-2177, B-2178, B-2179, B-2180, B-2226, B-2227, B-2228 aamma B-2229.

Neqeroorummut immikkuualuttut

Sanaartortitsisussat, Namminersorlutik Oqartussat, Aserfallatsaaliinermik allattoqarfik, sinnerlugit matumuuna suliassaq qulaani pineqartoq tamanut ammasumik suliariumannittussarsiuunneqarpoq.

 

Suliarineqartussat ukununnga immikkoortitigaapput:

1. Iikkanik silarlernik iluarsaassineq aamma igalaanik matunillu silarlernik taarsersuineq.
2. Illut qaliaannik iluarsaassineq nutaanik pappialuarsualersuilluni.
3. Naqqup ataani oqorsaaneq ruujorinillu iluarsaassineq.
4. Majuartarfeqarfinni, quinilu iluarsaassineq aammalu altaninik taarsersuineq.
5. Iluarsaassinermut atatillugu qalipaasut, qarmaasut sarfalerisullu suliassaat.

 

Suliassaq ataani taaneqartoq ataatsimoortumik suliariumannittussarsiuunneqarpoq:

1. Qarmaasut, sanasut, qalipaasut, ruujorilerisut innaallagisserisullu suliassaat.

Suliassat 2026-ip aallartinneraniit 2029-ip naaneranut suliarineqassapput.

Suliassap tunniunneqarnissaanut »appasinnerpaamik akeqartitsineq« tunngavigineqassaaq.

 

Neqeroorut neqeroorutinut ilaatinneqassappat, neqerooruteqartup uku ilanngutissavai:

1. Akileraaruserivimmit nalunaarut, neqerooruteqartup pisortanut 100.000 koruunit sinnerlugit akilinngitsuukkaminik akiitsoqannginneranut uppernarsaataasussaq.
2. Aningaaserivimmit imaluunniit sillimmasiisarfimmit nalunaarut, suliassap tunniunneqannginnerani neqerooruteqartup qularnaveeqqusiiffigineqarsinnaaneranut tunngasoq.

 

Neqerooruteqarnissamut najoqqutassat paasissutissallu sukumiinerusut suliariumannittussarsiuussinermi allagaqaammi atuarneqarsinnaapput.

 

Neqerooruteqarnissamut najoqqutassat paasissutissallu nikkartakkakkut www.byggeweb.dk udbudsportal iserfigalugu aaneqarsinnaapput:

Byggeweb nr. TN390188

Nittartakkakkut aallernermi “Anmod om adgang” toqqarneqassaaq allangortoqarnerani nalunaarfigineqarumagaanni.

Suliakkiisoq

Suliakkiisoq Iluarsartuussinermut Aqutsisoqarfik