Neqeroorummut immikkuualuttut
Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik matumuuna Pitsaaliuinermut Isumaginninnermullu Aqutsisoqarfiup meeqqanik kingunerlutsitsisunik katsorsaajartorlutik angalaqatigiittartuinik inersimasunillu kingunerlutsitsisunik katsorsaajartorlutik angalaqatigiittartuinik nalilersuinissanik neqerooruteqartitsivoq.
Meeqqanik kingunerlutsitsisunik katsorsaajartorlutik angalaqatigiittartut meeqqanik kinguaassiutimikkut atornerlunneqarsimasunik katsorsaajartorlutik angalasarput sulillutillu. Sullitat pingaarnerit tassaapput meeqqat inuusuttullu arfinilinnit 17-it tikillugit ukiullit kinguaassiutimikkut atornerlunneqarsimasut.
Meeqqanik kingunerlutsitsisunik katsorsaajartorlutik angalaqatigiittartunik nalilersuinermi angalaqatigiittartut sulinerisa annertussusaat, pitsaassusaat sunniutaallu qulaajarneqassapput. Nalilersuineq tunngavigalugu meeqqanik kingunerlutsitsisunik katsorsaajartorlutik angalaqatigiittartunut nutaamik najoqqutassamut/sinaakkutissamut nassuiaasiornermut atorneqassaaq, nassuiaammut saqqummiussat/innersuussutit suliassamut matumunnga ilaassallutik.
Inersimasunik kingunerlutsitsisunik katsorsaajartorlutik angalaqatigiittartut inersimasunik meeraanerminni kinguaassiutimikkut atornerlunneqarsimanerminnit kingunerluuteqartunik katsorsaajartorlutik angalasarput sulillutillu. Nalilersuineq angalaqatigiittartut katsorsaanerisa pitsaassusaannik, suleqatigiinnerannik aaqqissuussaanerannillu ilaatigut imaqassaaq, soorlu aamma angalaqatigiittartut sulinerisa ingerlaqqinnissaannut nunalu tamakkerlugu kinguaassiutitigut atornerluineq pillugu sulinermut innersuussuteqassalluni.
Suliakkiisoq
Suliakkiisoq Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik