Neqeroorummut immikkuualuttut
SULIARIUMANNITTUSSARSIUUSSINERMUT NEQEROORUTEQARTITSINERMIK NALUNAARUT
20. Januar 2023
1. Sullissineq suliariumannittussarsiuunneqartoq
Kalaallit Nunaanni Peqqinnissaqarfik matumuuna Kalaallit Nunaanni Peqqinnissaqarfimmut oqarasuaatinik aqutsissummik SIP Trunkimik nutaamik pisinermut tunngatillugu isumaqatigiissummik suliariumannittussarsiorpoq
Isumaqatigiissummi pineqarput oqarasuaatinik aqutsissummik SIP Trunkimik pilersuinissaq kingornalu sullissinissaq.
Kiffartuussinissamut isumaqatigiissut annertusisaq ukiunik marlunnik sivisussuseqarpoq oqarasuaatinillu aqutsissummik tunniussinermiit piareerneraniillu aallartissalluni amerlanerpaamillu ukiumik ataatsimik marloriarluni sivitsorneqarsinnaassalluni. Taamaalilluni isumaqatigiissut sivisunerpaamik ukiunik sisamanik sivisussuseqassaaq.
2. Suliariumannittussarsiuussinerup ilusaa
Neqerooruteqartitseriaaseq atorneqartoq tassaavoq tamanut neqerooruteqartitsineq, una naapertorlugu Pisortat oqartussaaffigisaanni suliffeqarfiinilu nioqqutissanik kiffartuussinernillu pisinermut tunngatillugu neqerooruteqartitsisarneq pillugu inatsisartut inatsisaat nr. 6, 12. juni 2019-imeersoq
3. Suliassamik saqqummiussilluni nalunaaruteqartup attaviginissaa pillugu paasissutissat
Kalallit Nunaanni peqqinnissaqarfik Inuk attaveqaataasussaq:
Dronning Ingridsvej 1 Giulia Lorenzen
3900 Nuuk [email protected]
Kalaallit Nunaat (+299) 34 49 41
4. Tunniussinissamut najoqqutassat
Isumaqatigiissutissaq "akikinnerpaamik" neqeroortumut isumaqatigiissutigineqassaaq.
5. Piukkunnassutsimut il.il. piumasaqaatit
Tamatuttaaq neqerooruteqartup neqerooruteqarnerminut ilanngullugu ilumoorluinnarnermik nalunaarut atsiorsimasoq ilanngullugu nassiutissavaa, tamatumani uppernarsarlugu, Neqerooruteqartup neqerooruteqarnermi piumasaqaatigineqartut neqerooruteqarsinnaatitaannginnermut tunngassuteqartut peqataaffiginngikkai. Uppernarsaat immersorneqarlunilu atsiorneqarsimasoq neqeroorutigineqartut ilaattut isigineqassaaq.
6. Neqerooruteqarnissamut piffissaliussaq
Neqeroorut Pissarsiortumit kingusinnerpaamik tallimanngorneq ulloq 10. Februar 2023 nal. 12.00, kitaani nalunaaqqutaq malillugu tiguneqareersimassaaq. Neqeroorutit piffissarititaasup kingorna tiguneqartut itigartinneqassapput.
7. Suliariumannittussarsiuussinermut atortussat
Neqerooruteqarnissamut piumasaqaatit atugassarititaasullu erseqqinnerusut kiisalu suliariumannittussarsiuussinermut paasissutissat suliariumannittussarsiuussinermi atortussani takuneqarsinnaapput. Neqerooruteqarnissamut atortussat pissarsiortup suliarinnittussarsiornissamut nittartagaani nassaarineqarsinnaapput.
Suliakkiisoq
Suliakkiisoq Kalallit Nunaanni Peqqinnissaqarfik